காங்ரீட் வயலில்
பிளாஸ்டிக்
தொட்டிகளில்
நட்டிடுக்கிறாள்..
அந்திமந்தாரை,
அரளி,
வாடாமல்லி
என
பல செடிகளை...
அடைமழை நாட்களிலும் குளிப்பாட்டுகிறாள்.
கன்னங்களில்
கரங்கள் வைத்து
நீண்ட நேரம்
மவுன உரை ஆற்றுகிறாள்..
சின்னவளுக்கு
என்மேல்
கோபமிருக்கக்கூடும்
முட்கள் நிறைந்த
ஒரு ரோஜாச்செடியை
பிடுங்கி
எறிந்ததற்காக......
எப்போதோ செய்த
தெர்மாகோல்
சூரிய குடும்பமொன்று
அவள் பெயருக்கு
மாறியிருக்கிறது.
சூரியனாய்
அவளிருந்து
சுற்றும்
கிரகங்களுக்ககு
பெயரிட்டவள்,
சனியை
எனக்கெனத்
தந்திருக்கிறாள்...
கோபமேறிய
என்னைக்
கொஞ்சுகிறாள்
சின்னவள்,
சனிக்குத்தானடா
கிரீடமிருக்கிறதென,...
சின்னவள்
ஒருபோதும் காட்டியதில்லை மதிப்பெண் பட்டியலை.
என்ன பிரிவென்பதும்
இன்னும்
தெரியாதெனக்கு.
அவள் அம்மாவினால் அர்ச்சிக்கப்பட்டுக்கொண்டிருக்கிறாள்.
மெல்லச் சொல்லிவிட்டு போகிறேன்.
இனி என்னிடம் வா..
எத்தனை
கையெழுத்து வேண்டும்.
